Halpuah khap chungchang ngaihtuah nawn turin ngen
Supreme Court-in Delhi leh National Capital Region-a halpuah leh halmawi hralh khapna thpuek a siam chu ngaihtuah ṭha leh turin halpuaha sumdawngten an ngen.
Court chuan Thawhṭanni khan Diwali thleng tur denchhenin, Delhi leh NCR-ah hian November 1 thleng atan halpuah leh halmawi hralh leh lakkhawm hi a khap a ni. Hei hi Diwali laia khawpui boruak bawlhhlawh zual phah lutuk venna atana a tih a ni.
Supreme Court thupek hi environmentalist-te chuan lawmawm an tih thu an sawi a, mahse sumdawngte erawh a nghawng na hle a ni. Nikum khan SC chuan NCR huam chhunga halpuah, wholesale leh retail-a hralh phalna licence te chu a lo tihtawp lailawk sak tawh bawk a ni.
Supreme Court-in halpuah leh halmawi khapna a tihchhuah avang hian Delhi Police-te chuan khawpui chhunga temporary firecracker license 400 leh permanent license 150 pek chu a cancel sak dawn a, license cancel a nih thu pawh hi a tichhuak bawk ang.
Halpuah leh halmawi hralhchhuah tur veng tur hian police special team siam a ni dawn a, mipuite pawh court in khapna thupek a siam hi a hlawhtlin theih nan police-te thawhpui turin an sawm bawk.