AAP-in Delhi Metro fare tihsan duh lohna lantir

Delhi-a rorellai, Aam Aadmi Party (AAP) chuan kumin a vawi hnihna atana Delhi Metro fare tihsan a nih leh avangin nimin khan lungawi lohna an lantir.

Party hruaitu, Gopal Rai chuan October 13 hian Urban Development Mi­nistry pawnah AAP worker-te chuan nawrh an huaihawt leh dawn tih a sawi.

AAP Delhi convenor, Rai chuan nimin tlai dar 4 khan khawpui chhunga metro station tinah nawrh hi huaihawt a nih thu a sawi, vawiin leh naktukah pawh an chhunzawm dawn a ni.

Delhi Chief Minister Arvind Kejriwal-a kaih­hruai AAP sorkarin nasa tak a dodal chungin, Delhi Metro Rail Corp (DMRC) chuan kumin chhunga a ṭum hnihna atan Thawhlehni khan metro fare hi a tisang leh a ni.

Delhi Deputy Chief Minister Manish Sisodia chuan fare tihsan tuartu tur chu mipuite an nih thu sawiin, a hlawkpui tur ber chu cab operator Ola leh Uber te an ni, a ti. Heng cab service-te hi metro ai hian a tlawm tawh zawk dawn a ni.