NCB-in Mephedrone Rs vbc 120 chuang hu man

Narcotics Control Bureau (NCB) chuan Mumbai leh Gujarat-ah mephedrone drug (4-methylmethcathinone) kg 60, cheng vaibelchhe 120 chuang man hu an man a, mi paruk an man tel bawk.

NCB deputy director general Sanjay Singh chuan nimina chanchinthar lakhawmtute a kawmnaah, Gujarat-a Naval Intelligence unit aṭanga thu an dawn bawhzuiin, Delhi leh Mumbai-a NCB official-te chuan October 3 khan Jamanagar dapin, mephedrone kg 10 leh mi pakhat an man a, a hnuah Mumbai-ah mi pathum an man leh tih a sawi. Ningani khan NCB team hian Mumbai chhim lama SB Road-a godown pakhat dapin, mephedrone kg 50 an man leh a ni. He thil kaihhnawihah hian mi pahnih manin, pakhat chu damdawi tawlhrutu pawl hotu niin, pakhat zawk chu Air India pilot hlui a ni.

Mephedrone hi meow meow emaw MD emaw tih a ni ṭhin a, Narcotic Drugs and Psychotropic Substances (NDPS) Act hnuaiah khap a ni.