Gorakhpur : Ni li chhungin naupang 69 thi leh
Uttar Pradesh-a Gorakhpur-a Baba Raghav Das Medical College-ah ni li chhungin naupang 69 an thi leh nia sawi ani. Thla hnih liamtaah khan he hmunah vek hian hun reilote chhungin naupang tam tak an lo thi tawh bawk a ni.
Report-in a tarlan danin October 7 khan BRD Medical College-ah hian naupang 12, October 8-ah 20, October 9-ah 18 leh October 10-ah naupoang 19 an thi a ni. Heng zinga 13 hi nau piang hlim an ni.
BRD Medical College principal PK Singh chuan naupangte thih chhan hi pneumonia, septicemi leh asphyxia vang niin a sawi a, NICU-ah naupang 118 admit an nih thu leh, an zinga 13 chu chhan hrang hrang vanga an thih thu a sawi. Principal chuan naupang admit zinga 109 chu Acute Encephalitis Syndrome vang a nih thu a sawi a, hmun hla tak tak aṭangin naupang damlo na tak takte chuan an hospital chu an pan thu a sawi bawk.
August 7- 11 chhugn khan he hospital-ah vek hian naupang 60 an lo thi tawh bawk a, damdawi-in hian oxygen supply a tlakchham vanga thleng nia sawi a ni. August thla chhung khan BRD Medical College-ah hian naupang 296 an thi a ni.