Ramdev-an halpuah khapna dodal

Supreme Court-in Diwali festival thleng tur denchhena Delhi leh National Capital Region-a halpuah leh halmawi hralh chhuah a khap chu yoga guru Baba Ramdev chuan sawiselin, he thupek hi Hindu-te beihna a ni,a ti.

Baba Ramdev chuan Hindu-te festival hman dan chungchangin sawi­sel leh beih a hlawh fo chu thil dik lo a nih tih a sawi. Court-in khapna thupek a siam a thlawp thu sawichhuaktu, Congress hruaitu Shashi Tharoor pawh sawisel­in, hemi chungchangah hian ani ang mifing chu hetiang zawnga ṭawng chhuak tur a ni lo niin a sawi. Supreme Court-in halpuah khapna thupek a tihchhuah hnu hian, Shashi Tharoor chuan a twitter-ah halpuah khap a thlawpna thu hi a ziak a ni.

Supreme Court chuan October 9 khan Delhi-ah halpuah leh halmawi hralh khap a nih thu a tichhuak a, he thupek hi November 1 thleng hman a ni ang.