Honeypreet-in tharum thawhna a ruahman thu puang

Special Investigation Team (SIT) chuan Dera Sacha Saud hotu, Gurmeet Ram Rahim Singh-a thiam loh chantir a, man a nih hnuah tharum thawhna nasa tak thleng chungchang a chhuinaah, Ram Rahim-an fa atana a lak, Honeypreet-i chuan buaina chawk­chhuak tur hian ruahmanna a siam ngei tih a inpuang niin an sawi.

Ram Rahim-a man anih hnu hian amah zuitute chuan Panchkula-ah tharum thawhna nasa tak thlenin, mi 35 in an thihphah a ni.

Buaina chhuaka mawhphurtua puh, Honeypreet-i hi hun eng emaw chen zawn anih hnuin Punjab highway-ah man a ni a, SIT chuan thu an zawtfiah a ni.

SIT chuan Honeypreet-in hian buaina chawhchhuah anih theih nan ruahmanna a siam thu a sawi bakah, mipuite fuihpawrh turin video clip te pawh a thawndarh tih a inpuang niin an tarlang. Honeypreet-i ṭhuhruai Sukhdeep Kaur leh a driver Rakesh Kumar-te pawhin Panchkula-a buaina siam tur hian mi eng emaw zat sawmin, pawisa pawh cheng vaibelchhe 1.25 vel an sem niin an sawi.