Hnam hla zah loah sorkar official puh

Jammu and Kashmir-a social official pakhat chu hnam hla zah lohah puh a ni a, zirlaite chuan he official laka hian lungawi lohna an lantir.

Ningani khan Kishtwar khuaa Government Model Boys’ Higher Secondary School chu endik turin assistant commissioner (revenue) (ACR), Mohammed Syed Khan-an a tlawh a, school a thlen lai hian hnam hla play a ni. Mahse official hian hnam hla play lai hian zahna lantir duh loin, principal office-ah a lut a, attendance register laiin a chhuak leh nghal a ni. Zirtirtu ṭhenkhatin zahna lantir tura an ngen chuan, zirlai naupangte hmuhah zirtirtute hi a hau a ni.

He thil thleng hi duh loin zirlai naupang leh zirtirtute chuan lungawi lohna an lantir a, school-ah hian police-te tirh luhin niin nawrh huaihawttute hi tiangin an vaw zui nia sawi a ni. Kishtwar deputy commissioner, Angrez Singh chuan he thil thleng hi chhuichiang turin thupek a ti­chhuak nghal a, police-ten zirlaite kut an thlak nia sawi chu thu dik lo niin a sawi bawk.