Navy kutah INS Kiltan hlan

Ramchhunga siam, Anti-Suhmanrin Warfare (ASW) stealth corvette INS Kiltan chu nimin khan Indian Navy kutah hlan a ni.

INS Kiltan hlanna inkhawm hi Visakha­patnam-a Eastern Naval Command-ah neih a ni a, Defence Minister Nirmala Sitharaman-in a hlan a ni. He inkhawmah hian Admiral Sunil Lanba, PVSM, AVSM, ADC, Chief of Naval staff leh mi pawimawh dangte an tel.

INS Kiltan hi Indian Navy in-house orga­nistation, Directorate of Naval Design-in a design a ni a, a siam hna hi Garden Reach Shipbuilders & Engineers (GRSE), Kolkata in a thawk thung.

Ton 3500-a rit, he lawnglian hi meter 109-a sei a ni a, diesel engine pali a hmang. Lawng siam hna 81% hi ram­chhunga thawh a ni a, Infra Red Signature Suppression (IRSS) system a hmang a ni.