Thuziaktuten an ngaihdan sawi turin zalenna an nei : SC

Supreme Court chuan lehkhabu ziaktute chuan an lehkhabu ziahah an ngaihdan pholang turin zalenna an nei a ni, a ti.

Supreme Court chuan Dalit writer leh intellectual, Kancha Ilaiah-a lehkhabu "Samajika Smugglurlu Komatollu " (Vysyas are social smugglers) khap tura ngenna thehluh chu a hnawlsak a ni.

Chief Justice Dipak Mir­sa kaihhruai bench chuan lehkhabu khap tura ngenna chu uluk taka ngaihtuah a ngaih thu a sawi a, 'Lehkha­bu ziaktute chuan an ngaihdan te zalen taka phochhuah turin dikna chanvo an nei a ni', a ti. Lehkhabu ziaktute zalenna neih khapsak chungchang chu holam taka ngaihtuah tur a ni lo, a ti bawk.

Arya Vysya Officials Pro­fessionals Association member, KV Veeranjaneyulu chuan Ilaiah lehkhabu-a thu belhchian dawl lo leh hnam inṭhendarh tir tumna niin a sawi a, khap sak tura ngenin court-ah hian petition a thehlut a ni.