Bengaluru-a in chimah mi 7 thi

Bengaluru-a Ejipura area-ah nimin zing khan chenna in a chim a, mi pasarih an thi a, in chim hnuaiah hian midang eng emaw zat an tang a, heng mite chhanchhuah hna hi thawh mek a ni.

Report-in a tarlan danin zing dar 6.30 velah gas cylinder a puak a, hei hian in hi a tichim a ni. He in chimah hian chhungkaw pali an cheng a ni. Home Minister Ramalinga Reddy chuan in chimna hmun hi a tlawh nghal a ni.

Bengaluru develop­ment minister KJ George chuan thi chhungte chu cheng nuai nga ṭheuha ral an nih tur thu a sawi a, hliam tuarte chu Rs 50,000 ṭheuh pek an ni bawk ang. Karnataka sorkar chuan in chima a nu leh pa chantu, hmeichhe naupang pakhat chu a enkawl zui tih a sawi bawk.