AIMIM hotuin RSS hotu Bhagwat thusawi a chhang

All India Majlis-e-Ittehadul Muslimeen (AIMIM) hotu, Hyderabad MP Asaduddin Owaisi chuan mihring pung chak venna, population control chungchanga Rashtriya Swayamsevak Sangh (RSS) hotu Mohan Bhagwat thusawi a chhang let.

RSS hotu hian Dussehra rally neihnaah India ramah mi zawng zawngte tana hman theih tur, population control policy siam a ngaih thu sawiin, sakhaw hrang hrang hrang inrualkhai loh dan leh, tihluihna hmanga sakhaw danga inlehtir an nih ṭhin chungchang pawh a sawilang bawk. He thu hi Muslim hruaitute a hmuh hnua a sawi a ni.

AIMIM hotu, Owaisi chuan nimin khan Bhagwat-a'n population control chungchang a sawi hi a twitter-ah chhangin, "Muslim-te chu an pung lo a, a tlahniam zawk. Tunge condom hmang ṭha? Keimahni hi kan ni. Mohan Bhagwat chuan hemi chungchang hi a sawilang leh duh si lo," tiin a sawi.

Owaisi chuan National Family Health Survey - 5 pawh sawichhukain, Total Fertility Rate (TFR) tlakhniamna chu Muslim-ah a tam ber a ni, a ti. BJP-in thuneihna an channa hmun apiangah, Muslim-te chu tan-ina tang ang maia an awm thu a sawi bawk. India ram mipui vaibelchhe 133 zingah Muslim vaibelchhe 30 vel awmin, Muslim-te zahawmna chu kawtthlera ui ai pawhin dah hniam sak an ni, a ti.