PM office-ah kangmei a chhuak

Nimin zing dar 3.35 vel khan Prime Minister Narendra Modi-a office-ah kangmei a chhuak a, mahse minute 20 hnu velah ṭhelh mih a ni.

Kangmei chhuahna hmun hi PM Office chhawng hnihna, Room 242 a ni. Kangmei chhuah thu hi hriat a ni veleh kangṭhelhtu 10 te tirh nghal niin, minute 20 chhungin an ṭhelh mit hman a ni. ­

Kangmei chhuak hian thil tih­chhiat liantham a nei lo a, hliam tuar an awm lo bawk.

Division Fire Officer Gurmukh Singh chuan kangmei chu office chhunga computer atana hman, UPS aṭanga chhuak niin a sawi a, he room hi section officer room a ni.