PM-in Gujarat-ah project hrang hrang Rs vbc 8,000 chuang hu a hawng

Prime minister chuan nimin khan Gujarat-a Bharuch district-ah project hrang hrang, cheng vaibelchhe 8,000 chuang hu a hawng a, Ahmedabad-ah educational complex a hawng bawk.

Kumin kumtawp lama assembly inthlan neihna tur, Gujarat-ah hian Prime Minister hi ni thum cham turin Pathianni khan a thleng a ni.

Nimin khan Bharuch district-a Amod-ah project hrang hrang hawngin, Jambusar-a drug park lungphum a phum a, Dahej-ah deep sea pipeline project a hawng bawk. He district-a multi industrial park siamna tura ground breaking ceremony-ah a tel bawk.

PM Modi hian nimin vek khan Anand district-a Vallabh Vidaynagar-a vantlang inkhawm buatsaihah thu a sawi a ni.