Shiv Sena pawl 2-ten party symbol tur ECI-ah thehlut

Election Commission of India (ECI) in hriattirna a pek hnuah, Maharashtra-a rorellai, Shiv Sena party-a Uddhav Thackeray pawl leh Eknath Shinde pawl chuan by-election neih turah an party symbol tura an duhte chu ECI hnenah an thehlut.

Uddhav Thackeray leh Eknath Shinde lamṭangte hi Shiv Sena party hming putu leh party symbol hmangtu zawk nih inchuhin an la buai mek a ni. Mahse ECI chuan Andheri East Assembly by-election neih turah pawl pahnihte hi Shiv Sena party hming leh symbol hman a khapsak a, an party hming leh symbol atana an duh hming hi pathum ve ve thehlut turin a hriattir.

Pathianni khan Thackeray lamṭangte hian ECI-ah symbol atan an duh pathum an thehlut a, nimin khan Shinde kaihhruai lam hian symbol pathum an thehlut ve bawk. Thackeray lamin symbol an thlante hi trishul, rising sun leh mashaal-te niin, Shinde lamin an thehlut hi trumpet, blunt maze leh sword an ni.

ECI chuan pawl pahnihte hnenah hian pawl hming tura an thlanchhuahte thehlut turin a hriattir leh bawk a ni.