CJI Lalit-a'n amah thlaktu atan Justice Chandrachud rawt

Chief justice of India UU Lalit chuan union law minister Kiren Rijiju-a'n amah thlaktu tur rawt tura a hriattir hnuah, nimin khan CJI thar atan judge senior ber justice DY Chandrachud ruat tura rawtna a thehlut.

Nikum August 27-a CJI 49-na atana lakluh, justice Lalit hian ni 74 chhung chauh he dinhmun hi a chelh thei dawn a, November 8 hian a pension dawn a ni. Tihdan phung angin, CJI ṭanglai hian a pension hunah amah thlaktu atana ruat tur rawtna hi sorkar laipuiah a thehlut a ni.

Kum 2016-a Supreme Court judge atana ruat, justice Chandrachud hi November 9-ah Chief Justice of India 50-na atan lakluh a ni ang.

Justice Chandrachud hi ram pum ngaihven, Ayodhya buaina chingfeltu, judge panga awmna bench-ah khan a tel ve a ni. Kum 1998 khan Bombay High Court-ah senior advocate niin, 1998-2000 khan additional solicitor general of India a ni. Kum 2000, March 29-ah Bombay HC-ah additional judge-ah ruat niin kum 2013, October 31-ah Allahabad HC-ah chief justice atan lakluh a ni.