Brahmin puithiam pasala neite Rs. 3,00,000/- pe dawn

Telangana sorkar chuan Brahmin puithiam, temple-a hnathawk pasala neite chu cheng nuai thum zel a pe dawn a, hei bakah hian an inneih senso atan cheng nuai khat a pe tel bawk ang.

Temple-a thawk pui­thiamte hi an sum lakluh a tlem bakah, khaw­tlanga zah an kai lutuk loh avang­in hmeichhe tam zawkin an nei duh lo niin Telangana Brahmin Samkshema Parishad chairman K V Ramanachary chuan a sawi. Hei vang hian heng puithiam pasala nei duhte tan sor­kar chuan hamṭhatna pekna tur scheme a siam ta a ni.

Telangana sorkar scheme siam thar, Kalyanamasthu tih hi November thla aṭangin hman ṭan a ni ang. He scheme hnuaia hamṭhatna dawn tur, cheng nuai thum chu mo leh a pasal-te joint account-ah kum thum chhung atan fixed deposit-a dahsak a ni ang. State sorkar chuan temple 4,805-a thawk pui­thiamte chu November thla aṭang hian government pay scale anga hlawh pek an ni ve tawh dawn tih a lo sawi tawh bawk.