Jharkhand-ah mask vuah loin Rs nuai 1 an chawi dawn bakah kum 2 lungin tan tir dawn
Jharkhand sorkar chuan mipui punkhawmnaa hmaituamna, mask vuah lo chu cheng nuai 1 chawi tir leh kum 2 chhung lungin tan tir theih a nih thu a tarlang.
Jharkhand cabinet chuan an state chhungah hri kai an pun belh zel avangin hri darh loh nan leh hri hi a rang lama thunun a nih theih nan, Infectious Diseases Ordinance (IDO) 2020 a pawm a ni. He ordinance hnuaiah hian hmaituam lo hremnaa dan leh khawlaia chilchhak hremna dante pawh a awm. A hma aṭang tawhin sorkar laipui chuan ram pumah Covid-19 hri a len avangin tupawh pawn chhuak chu hmaituam turin hriattirna a ti chhuak a, hei hi ram puma hman tura tih a ni. Hmaituam vek tura sorkar laipuiin hriattirna a tih chhuah chhan hi mipui te an him zawk nana tih a ni.