PM-in Mann Ki Baat-ah mask vuah a ṭul thu a sawi

Prime minister Narendra Modi pawhin nimina thla tina radio programme a hman ṭhin, Maan Ki Baat a hmanaah hri leng laka invenna tura mask vuah pawimawh zia a sawichhuak leh. 

Narendra Modi chuan coronavirus leng mek chu a len tirha a hlauhawm ang khan a la hlauhawm reng a ni tiin, mipuite chu fimkhur taka awm turin a chah.  Modi chuan hri laka invenna turin mask vuah a ṭul thu a sawi a, hei bakah hian kut sil pawh uar thar leh a, social distancing dan pawh zawm a ṭul thu a sawi a ni. PM chuan mask vuah a pawimawh leh a ṭul lai ber, midangte nena inbiak dawna mask vuah la thla leh phelh maite a hmu ṭhin tih a sawi. "Mask vuah chu harsa kan ti pawh a ni thei a, mi kan biak dawnin kan la thla chak pawh a ni thei. Mahse mask lakthlak kan chak lai tak khan hri leng dona kawnga a hmatawngtu, sipai leh doctor, darkar tam tak heng mask vuah chunga hna thawk ṭhinte chu ngaihtuah ṭhin ang che u," a ti.