November-ah US Treasury Secretary a rawn zin dawn

U.S. Treasury Secretary Janet Yellen chuan November thla hian U.S.-India Economic and Financial Partnership meeting hmang turin India ramah a zin dawn tih a sawi.

Thawhlehni zana finance minister Nirmala Sitharaman-i nen Washington-a meeting an neihah India ram a zin tur thu hi Yellen hian a sawi a ni. "G20 meeting neih hmain, India ramah hian Treasury Secretary ka nihna atanga ka zin hmasakna ber turin Partnership meeting vawi kua-na hmang tur hian ka zin dawn a ni," a ti.

Finance Minister Sitharaman hi World Bank IMF Annual Meeting hmangin US-ah hian a zin a, Thawhlehni zana US Treasury Secretary nena inbiakna an neihah hian official parukin an ṭawiawm a, an zingah hian US-a India ambassador Taranjit Singh Sadhu pawh a tel a ni.