Delhi bus tharah CCTV leh panic button dah

Delhi chief minister Arvind Kejriwal chuan Thawhlehni khan khawpui chhunga bus thar tlantir tur 50 a vailiam. Heng bus tharah hian hmeichhiate ṭhutna bik tur pink seat-te, CCTV camera leh panic button-te dah an ni.

Bus-te hi Rajghat depot aṭangin CM hian a vailiam a, bus hi GPS, Heating Ventilation and Air Conditioning (HVAC) System leh Fire Detection and Suppression system hmanga thuam an ni. Heng bus-te hi Bawana-a Sector-5-a bus depot siam thar aṭangin additional route parukah an tlan ṭhin ang.

Delhi khawpuiah hian Delhi Transport Corporation (DTC) hnuaiah bus 4,010 leh Delhi Integrated Multimodal Transit Systems (DIMTS) hnuaiah bus 3,310 tlantir an ni a, DTC hian low-floor Electric bus 250 a tlantir tel bawk.