Dawood Inbrahim-a thil neih lilam dawn

Sorkar laipui chuan underworld don Dawood Ibrahim-a thil neihte chu lilam sak a tum a, hemi chung­changa hriattrina hi chanchinbuah a tichhuak.

Sorkarin hriattirna a tihchhuah­ah a thil lilam tur panga a tarlan zingah Dawood Ibrahim-a thil neih pahnih a tel a ni. Pakhat zawk chu Mumbai chhim lam, Bhendi Bazar area-Pakmodia street-a Damarwala building a ni. He building-ah hian tunhnaia man, Dawoo-a nau Iqbal Kaskar a cheng ṭhin a, Dawood-a farnu Haseen Parker pawhin he ramah hian hmun a nei bawk a ni. November 14-ah lilam a ni dawn a, Churchgate area-ah neih a ni ang.

Kum 1993-a Mumbai khawpuia ṭum eng emaw zat bomb puakah mawhphurtu bera puh, Dawood Ibrahim hi man tuma zawn reng a la ni a, Pakistan ramah a biru nia hriat a ni. Tunhnaia man, a nau Iqbal Kaskar thu zawhfiahnaah, a u Dawood hian India rama kir duh pawh ni se, Pakistan spy agency ISI chuan an kal tir phal dawn lo niin a sawi.

Senior advocate Ram Jethmalani chuan kum 2015 khan Dawood hi London-ah a hmu tih a sawi a, Dawood hian Mumbai bomb puakah hian inhnamhnawihna a nei lo nia a hrilh thu a sawi.