UP CM-in an sawiselna a chhang let

Uttar Pradesh Chief Minister Yogi Adityanath-a chuan Ayodhya-a Diwali lawmna pui­tham tak a buatsaih chungchanga eptute sawi­selna chhangin, a rinna chungchangah tumah an inrawlh thei lo tih a sawi.

Eptute chuan sawizui hlawh tak tura CM-in Ayodhya-a Diwali lawmna a buatsaih chu UP sorkarin kawng hrang hranga harsatna leh buaina a tawh mek laka mipuite rilru lak pen tumna niin an puh a ni.

Yogi Adityanath chuan, "Hei hi ka mimal rinna a ni a, eptute hi an inrawlh thei lo ang" a ti a, Ayodhya a tlawhna chhan pawh Diwali denchhena mi tam takin tlawh an tum dawn avangin secuirty lam inbuatsaih dante en a duh vang niin a sawi. State pakhat chief minister a nih angin, state chhung khawi hmunah pawh hmasawnna thlen chu a tum tih a sawi.

UP-ah hian Diwali pualin ni thum awh tur, Deepotsav hman a ni a, Sarayu lui kama oil lamp nuai 1.75 chhiin world record siam an tum bawk a ni.