PM Modi-a'n Vande Bharat Express 4-na a vai liam

Prime minister Narendra Modi chuan nimin khan Vande Bharat Express rel 4-na chu Himachal Pradesh-a Una district aṭangin a vai liam.

Hei hi Himachal Pradesh state tana Express Bharat rel hmasa ber tur a ni a, Delhi leh Amb Andaura inkarah a tlan ang. Semi-high-speed train hian Delhi leh Himachal Prdesh inkar hi darkar nga vel a tlan dawn a ni.

Assembly inthlan hmabak, Himachal Pradesh hi PM Modi hian nimin khan tlawhin, Una district-ah hian Bulk Drug Park lungphum a phum. He park hi Rs vbc 1,900 chuang senga siam tum a ni. Prime Minister chuan Himachal Pradesh chu India rama bull drug park siamna tur atana state pathum thlan zingah a tel tih a sawi a, khawvela damdawi siamchhuahnaa India ram pakhatna a nih theihna turin an state chu a pawimawh hle tih a sawi. Damdawi siamna atana mamawh raw material-te chu Himachal Pradesh aṭang hian lak a ni dawn a, ram dang laka an innghahna ṭhin pawh a tlahniam zel dawn a ni, a ti.

Ayushman Bharat Scheme-a Jan Aushadhhi Kendra kaltlangin sorkar chuan mi rethei leh harsa zawkte chu damdawi lama inenkawlna, Rs nuai 5 chin a thlawnin a tihsak tih sawiin, "Bulk Drug Park hian mitinten damdawi lama inekawlna ṭha an dawn theihna tura sorkar hmalaknaah nasa takin a pui thei dawn a ni," tiin a sawi.