Maharashtra-in an state-a syrup sample enfiah vek turin ti

World Health Organisation (WHO)-in Haryana state-a Maiden Pharmaceuticals siam, khuh damdawi palite chu Gambia rama naupang 60 chuangte thihna chhan a ni thei nia a sawi hnuah, Maharashtra state chuan an state chhunga khuh damdawi siamte an sample endik vek turin thupek a tichhuak.

State sorkar chuan damdawia diethylene glycol leh ethylene glycol level zat chu endik vek turin a ti a ni. An state-ah hian khuh damdawi siamna unit 250 vel a awm a, official-te chuan report hi October 31-ah peihfel tura tih ni mah se, festival te a nih chhoh avangin a khawtlai deuh mai thei niin a sawi.

Maharashtra sorkar chuan an state-a Maiden Pharmaceuticals siam damdawi tuiril chi zawng zawng chu a la kir leh vek dawn bawk a ni.