Himachal Pradesh-ah lei chim vangin mi 6 hliam

Himachal Pradesh-a CHamba khua leh Pathankot, Punjab inkalpawhna lei chu Ningani khan a chim a, mi 6-in hliam an tuar a ni.

Heng hliam tuarte hi Pandit Jawaharlal Nehru Medical College-ah rang taka hruai niin enkawl zui nghal an ni. District Collector, Sudesh Kumar Mokhta leh official dangte chu a hmunah hian kal nghalin thil awmdan an enfiah nghal a ni.

Sudesh chuan he lei chim chhan hi a construction map-ah thil fel lo a awm vang a nih loh chuan, a siam nana an hmanraw hman quality chhiat vang a nih thu a sawi a, hma an lak vat tur thu a sawi bawk a ni.

He lei chim lai hian car, truck te chi leh motorcycle an tlan a ni. Motorcycle hi chu a hnuai luiah a tla nghal a, car leh truck hi chu an tang thung a ni.

He lei hi kum 15-a upa a ni tawh a, National Bank for Agricultural and Rural Development (NABARD) sum hmanga siam a ni.