PM Modi-a'n Himalaya Shrine Kedarnath a tlawh

Prime Minister Narendra Modi chuan nimin khan Himalayan temple, Kendarnath chu a tlawh. He temple hi vawiin dar 8 aṭangin thlasik atana khar tawh tur a ni a, PM hian khar a nih hma ngei hian a tlawh a ni.

Kedarpuri siamṭhat lehna project kalpuina tur lungpum a phum nghal a, hetah hian Adi Guru Shankaracharya thlan 2013 a tuilianin a tihchhiat siamṭhat lehna tur pawh a tel nghal.

Helai hmun hi sea level aṭanga teh chuan ft. 11, 660-a sang a ni. DIG Garhwal Range Pushpak Jyoti chuan modi-a'n Temple a tlawh dawn avang hian Jollygrant airport-ah pawh security ṭha tak dah a nih thu a sawi a ni. Prime Minister hi Uttarakand Governor K K Paul, Chief Minister Trivendra Singh Rawat leh Official dangten Himalaya lam a pan hma hian an lo hmuak a, a hmun thlengin an ṭawiawm nghal bawk a ni.

Modi an a tlawh dawn avang leh Diwali avangin Temple hi pangpar leh light-in an chei mawi nasa hle a, puithiam tamtak hunpui hmang tura an khaw lama haw ṭhinte pawh an haw loh phah a ni.

Prime Minister hian kumin chhungin he lai hmun hi a vawihnih tlawhna a ni tawh a, May 3 khan a lo tlawh tawh bawk a ni.