Tamil Nadu-a bus terminal chung chimah mi 8 an thi

Nagapattinam district, Tamil Nadu-a State Transport Corporation (TNSTC) terminal chu nimin khan a chim a, thawktu mi pariatan thih bakh, midang eng emaw zatin hliam an tuar a ni.

Porayar branch bus terminal hi Zirtawpni zing dar 3.30 vel khan a chim a ni. Chhiatna thleng avanga hliam tuar­te hi Karaikal General Hospital-ah hruai nghal an ni a, Nagapattinam District Collector Dr. C. Suresh Kumar chu a hmun­ah hian thil awmdan enfiahin a kal nghal a ni. Sorkar thupuangtu chuan state transport Minister MR Vijayabhaskar pawh Porayar lam pan hian a kal nghal thu a tarlang.

Minister chuan he building hi a hlui tawh thu leh chhiat tawkte chu ṭanpuina an pek ngei tur thu a sawi a ni. He building chung chim hi kum 1952 daih tawha sak kha a ni a, thi leh hliamte hi TNSTC buiding-ah hian an riak a ni. Ruangte hi Fire and Rescue Sercvice-te'n an ruang hi an la chhuak a ni.

Mitthi zinga 7-te hi driver an ni a, pakhat hi conductor a ni ve thung a ni.

Tamil Nadu-ah hian tunhnai thlahnih chhung­a bus terminal chung a chim ṭum hnihna a ni tawh a, September 7 khan Coimbatore-ah bus terminal chung a chim avangin mi 5-in nunna an lo chan tawh a, mi 15-in hliam an tuar bawk a ni.