Team Thackeray-in party hming leh symbol chungchangah ECI chu Team Shinde lam duhsak bikah a puh

Shiv Sena party chhunga buaina kal mekah, Uddhav Thackeray lamṭang chuan Election Commission hnenah lehkha thawnin, by-election neih tura Shiv Sena-a pawl pahnihte hming leh symbol tur thlansakah an khingpui, Eknath Shinde lamte duhsak bikah a puh.

ECI chuan Team Thackeray leh Team Shinde hi Maharashtra-a by-election neih tura Shiv Sena party hming leh symbol hman a phalsak a, an party hming leh symbol tur thlang turin a ti a ni.

Team pahnihte hian party hming leh symbol atana an duhthlante chu ECI-ah hian thehlutin, anni hian a lo thlansak a ni.

Team Thackeray chuan ECI website-a party hming leh symbol tura an duhthlante upload chungchangah Team Shinde chu duhthlanna zau zawk pek an nih thu ECI hnenah lehkha an thehluhah an tarlang.

ECI-in a thlansak avangin Team Thackeray lam hi Shiv Sena Uddhav Balasaheb Thackeray tih an ni a, a symbol-ah flaming torch an hmang. Team Shinde lam hi Balasahebanchi Shiv Sena tih an ni thung a, an symbol chu 'shield and 2 swords' a ni.