BSF-in Pakistan drone kap thla

Border Security Force (BSF) chuan nimin khan Punjab-a Indo-Pakistan international border-a Gurdaspur sector-ah Pakistan drone an kahthlak sak.

BSF hian kumin chhungin Pakistan ram aṭanga India ram china drone rawn thlawk lut hi 170 vel an lo kahthlak sak tawh a ni.

Nimina drone an kahhthlak hi zing dar 4.35 vel khan Gurdaspur sector-a BSF 89 battallion amite chuan Rosa Post BOP-ah an lo hmu a ni. Sipaite hi patrolling an neih lai niin, drone hi an hmuh veleh kapin an kapthla nghal a ni. Hemi hnu hian drone aṭang hian thil thlak a awm em tih an zawng nghal a, drone hian thil phurh a nei ngei a, mahse a thil phurh hi eng tak nge a ni tih erawh sawilan a ni lo.

BSF official chuan Punjab-a international border kaltlang hian drone hi a rawn thlawk lut fo a, heng drone-te hi ruihhlo leh ralthuam thlakna atante hman a ni ṭhin a ni, a ti. Thla hmasa khan BSF hian Gurdaspur-ah vek hian drone rawn thlawk lur tur an lo hmu tawh a, sipaiten an lo kah avangin Pakistan lamah a kir leh nghal a ni.