Delhi Excise Policy : ED-in hmun 25 dap leh

Enforcement Directorate (ED) chuan Delhi sorkar excise policy siam kaihhnawih a chhuina kal zelah, nimin khan Delhi khawpuia hmun 25 a dap leh. He policy hi Delhi sorkar chuan a titawp tawh a ni.

Nimina ED-in a dapte hi dealer leh distributor lam kaihhnawihte an ni tih an sawi.

Central agency hian he thubuai kaihhnawihah hian hmun tam tak a dap tawh a, liquor manufacturing company, Indospirit-a managing director Sammer Mahandru pawh thla hmasa khan an lo man tawh a ni.

He case chungchanga CBI-in FIR a ziahluhah, thil dik lo tihnaa inhnamhnawih zingah Delhi deputy chief minister Manish Sisodia hming pawh an tarlang tel. ED hian Sisodia chenna in leh a bank locker thlengin an dap tawh a, mahse thil dik lo engmah hmuh an nei lo tih Sisodia chuan a sawi.