Supreme Court-in nau tihtlak phalna dan ngaihtuah dawn

Supreme Court chuan sorkar laipuiin kar 20 tlin hnu naupai tihtlak phalna dan, Medical Termination of Pregnancy (MTP) Act hnuaia dah pawmpui a tum chu remti lo mah se, kar 20 liam hnu a nu in a nau pai, case bik thilah chuan tihtlak phalna dan erawh an ngaihtuah ṭhat dawn thu a sawi.

Chief Justice Dipak Misra, Justices A M Khanwilkar leh D Y Chandrachud-te bench chuan Parliament-in dan siamṭhat a tum chu court-in pawmlo mah se nu pumchhunga naute insiam chu dik lohna a awm emaw, pawngsual vanga nau pai an nih chuan, tihtlak phalna dan hi siam ṭhat a nih tur thu a sawi a ni.

MTP Act, 1971 chuan nu pum chhunga naute insiam mek chu kar 20 a tlin hmaa tih thlak a phal a, sorkar laipui lam chuan he Act hi siamṭhat a, kar 24 thleng nau tihtlak phal turin Supreme Court an ngen a, mahse heihi tun thleng hian a la pending a ni.