Kum khat chhungin Duty-naah police 383 thi

September 2016 - August 2017 chhung khan India ramchhungah police duty lai 383 an thi.

Intelligence Bureau director Rajiv Jain chuan Police Commemoration Day lawmnaah police 383 an thih tawh thu hi a sawi a, heng zinga 98 chu Border Security Force (BSF) leh Central Reserved Police Force (CRPF) te an nih thu a sawi. Thi zinga 42 chu Jammu and Kashmir police an nih thu a sawi bawk a, terrorist leh Left-wing extremist-te an beihnaa thi an ni, a ti.

Police thi zinga 76 vel hi Uttar Pradesh police an ni a, Chhattisgarh police 23, West Bengal policae 13, CISF leh Delhi Police 13 ve ve leh Bihar leh Karnataka police 12 ve ve bakah, ITBP 11 an tel a ni.

Police Commemo­ration Day hi kumtin October 21-ah hman ṭhin a ni a, 1959-a Chinese sipaiin an kahhlum police 10-te hriatreng nan leh India inpumkhat nana nunna chan tate hriatreng nana kumtina hman ṭhin a ni.