PM Modi-a'n digital banking unit 75 a hawng

Prime minister Narendra Modi chuan nimin khan video-coferencing kaltlangin digital banking unit 75 a hawng a, heng zinga pahnih chu Jammu and Kashmir bank an ni.

Prime Minister chuan unit thar hawn te chuan digital service an tichakin an tichangtlung chho dawn a, mi tam takin an chhawr ṭangkai dawn a ni, a ti.

Banking unit thar 75-te hi ram chhung hmun hrang hrang ami, private leh public sector hnuaia mi niin, India zalenna kum 75-na puala hawn an ni.

PM chuan, "Mipuite khawsak awlsam zawkna tur campaign kalpui mekah digital banking unit hi thil pawimawh tak a ni, " tiin heng hmang hian savings account hawn te, balance-check, print passbook, fund transfer, fixed deposit, loan application-te awlsam takin a tih theih dawn tih a sawi.

A kaihhruai sorkar chuan PM-KISAN scheme hnuaiah DBT kaltlangin Rs vbc nuai 25 transfer a ni tawh a, vawiin hian installment dang transfer leh a ni dawn tih Modi chuan a sawi. He scheme hnuaiah hian loneitute chu chhawmdawlna, kum khat atan Rs 6,000 zel pek niin, heng sum hi Rs 2,000 zelin installment vawi thuma pek an ni.