Amritsar-ah DNA Sample test na tur nei lo

External Affairs Ministry-in thuchhuah a lo siam tawh angin Iraq a India mi chin hriat loha bo chhungte DNA sample lak tura tih chu Thawṭan pawh khan ṭan theih a la ni lo.

DNA sample lak theih loh chhan hi Amritsar-a an lak na tura an tih Health centre in DNA test kit an neih loh vang a ni. Thudawnna in a tarlan dan chuan ni li hnu velah he test kit hi a lo thlengdawn chauh a ni.

Punjab sorkar chuan sorkar medical college Amritsar ami chu he test ti tur hian a ruat a, anni lam hian Hyderabad-ah test kit la tur hian mi an la tir chauh a ni. He thupek hi External affairs minitry in a rang lama bawhzui tura a tih laiin Amritsar-ah hian an la test ṭan thei lo a ni.

Chhungkaw pakua DNA test tura Amritsar sorkar medical college a kal te chuan an thisen an la test tir thei lo a ni, hei hi a chhan chu medical college-ah hian hmanrua a ṭhat tawk loh vang a ni tih an tarlang.

Hetih lai hian medical college principal Dr. Tejbir Singh chuan an theihtawp an chhuah thu a sawi ve bawk a ni.