PM-KISAN scheme 12th instalment Rs vbc 16,000 pe chhuak

Prime minister Narendra Modi chuan nimin khan sorkar laipui flagship Pradhan Mantri Kisan Samman Nidhi (PM-KISAN) scheme hnuaiah 12th instalment, cheng vaibelchhe 16,000 chu loneitu vaibelchhe 11 chuang tan a pe chhuak.

12th instalment pekchhuah tak nen hian, PM-KISAN scheme hnuaia hamṭhatna dawngtute hnena sum pekchhuah hi Rs vbc nuai 2.16 a tling tawh a ni.

PM-KISAN scheme hnuaiah hian loneitu thlanchhuahte chu chhawmdawlna, kum khat atan Rs 6,000 pek an ni a, heng sumte hi thawh thumin, Rs 2,000 zelin pek an ni. Chhawmdawlna sum hi a dawngtu tur bank account-ah direct-in thunsak an ni ṭhin.

Nimin khan Delhi-a Pusa campus-a ni hnih awh tur, "PM Kisan Samman Sammelan 2022" chu ṭan niin, PM hian 12th instalment hi a pechhuak a ni. He hunah hian union agriculture minister Narendra Singh Tomar leh chemicals & fertilisers minister Mansukh Mandviya-te pawh an tel a, ram chhung hmun hrang hrang aṭangin loneitu 13,500 chuang leh, Agri-startups 1,500 vel an tel bawk.

PM-KISAN hi central sector scheme niin, he scheme atan sum hman hi sorkar laipuiin a tum vek a ni. State sorkar leh UT thuneitute chuan scheme guideline zulzuiin, an state/UT atana hamṭhatna dawng thei tur loneitute hi an lo thlang chhuak thung a ni.