Rahul Gandhi leh Hardik-te a rukin inbia

Congress Vice-President Rahul Gandhi leh Patidar hruaitu Hardik Patel-te chu a rukin an inbia nia tarlan a ni. Hardik Patel erawh chuan hei hi a pha thung.

Rahul Gandhi hian Gandhinagar, Gujarat-ah Thawhṭanni khan van­tlang vantlang inkhawm­ah thu a sawi a, hemi

ṭum hian Patidar hruaitu Hardik Patel chu congress hruaitute nen hian minute 40 lai inbiakna an nei nia tarlan a ni. Hardik chuan Rahul hi a hmuh loh tur thu leh Mandal Town, Ahmedabad aṭanga km 87 laia hlaah public meeting-a tel a ngaih thu a sawi hnu lawkah congress hruaitute hi a rukin a hmu nia sawi a ni.

Rahul leh Hardik hian a rukin inbiakna an nei tih hi CCTV aṭanga chhui­chhuah a niin an tarlang a, Pathianni zan dar 11.53 aṭang a, Thawṭan zing dar 4.14 chhunga Hardik-a che tla lai vel chu CCTV footage-ah hian a lang nia sawi a ni.

CCTV footage tlangzarh a nih hnu hian Hardik chuan Congress hruaitute chu a hmuh thu sawi leh hnuhnawh mah se, Rahul-a erawh a hmuh loh thu a sawi a, Ashok Gehlot leh Gujarat Congress President Bharasinh Solanki a hmu tih a sawi a ni. OBC quota leh Patidar community chungchang a sawipui thu a sawi bawk.

Hardik chuan, "Rahul chu hmu duh ila a ruka ka hmuh kher a ngai lo ang" a ti.

CCTV video-a a lan dan chuan Hardik leh midang pathum-te chu hotel-ah hian an lut a, a tku zing lamah an chhuahsan chauh a ni. Video-a a lan dan chuan Hardik ni ngeia hriat hi car chnungah chuangin a rawmawlin a hmai a tuam a ni.