Arumughaswamy Commission-in Jayalalithaa thih dan a chhuina report chhuak

Arumughaswamy Commission chuan kum 2016-a thi ta, Tamil Nadu chief minister hlui, J Jayalalithaa-i thih dan a chhuina report tichhukain, CM hlui thihnaah hian kum 30 chuang zet a thawhpui VK Sasikaa leh mi dang pathum - Dr KS Sivaakumar, health secretary hlui J Radhakrishnan leh health minister hlui C Vijayabaskar-te chuan thiam lohna an nei a ni, a ti.

Commission chuan, "Thil thlen dan hrang hrangte a ngaihtuah hnuah, Commission chuan VK Sasikala bakah KS Sivakumar, Dr C Vijayabaskar leh J Radhakrishnan-te chuan tih dik lo an nei tih a hmu a, heng mite hi chhui chiang tura thupek tihchhuah a ngai a ni," tiin a tarlang.

Dr YVC Reddy leh Dr Babu Abraham-te chuan CM hlui hi enkawlin, a enkawl dan turah Mumbai, UK leh USA-a doctor-te an biakrawn bakah, Apollo Hospital-a doctor pawh an rawn bawk. Mahse an mi rawnte thurawn hi tikhawtlaiin an duh dan angin an kalpui a ni, tiin commission chuan a sawi a, hei vang hian chhui chian ngei an ngai a ni, a ti.

Chief secretary hlui Rama Mohana Rao pawh thil dik tawk loa tia puhin chhui chian a ngaih thu Commission chuan a sawi bawk.

Arumughaswamy Commission chuan August thla khan report hi state sorkarah a thehlut tawh a, nimin khan sorkar chuan Assembly inkhawmah report hi a pharh a ni.