Bharat Jodo Yatra-in Andhra Pradesh thleng

Congress party-in an party hruaitu leh MP, Rahul Gandhi hoa 'Bharat Jodo Yatra' an neih mek chuan nimin khan Andra Pradesh an thleng.

Rahul Gandhi hoa Yatra neite hian nimin khan Karnataka aṭangin Andhra Pradesh-a Halaharvi an lut a, state Congress president Sake Sailajanath leh party hruaitu dangten an lo dawngsawng a ni.

Gandhi ho hian nimin khan Aluru, Hatti Belagal leh Munikurthi-te kal tlang lehin, Adoni-a Chagi khuaah zan an riak.

Andhra Pradesh state chhungah October 21 thleng yatra hi neih a ni dawn a, Karnataka state-ah lut lehin, heta aṭang hian Telangana lam an pan tawh thung ang.

Bharat Jodo Yatra hi September 7 khan Kanyakumari aṭangin neih ṭan a ni a, Jammu and Kashmir-ah an tawp ang. Yatra hi ni 150 chhung vel an nei dawn a, kea kalin state 12 an paltlang dawn a, an kal thui zawng hi km 3,500 vel a tling thei dawn a ni.