PM Modi leh Afghanistan President inkawm

Prime Minister Narendra Modi leh Afghanistan President Ashraf Ghani-te chu Nilaini khan an inkawm a, ram pahnihte inkar thil hrang hrang an sawi dun. Narendra Modi chuan Ghani hi Hyderabad House-ah lo lawmin hun engemaw chen inkawmna an nei a ni.

PM Narendra Modi leh Ashram Ghani-te hian khawvela thil thleng hrang hrang chungchang leh ram pahnih inkar bikte sawi dunin, terrorist dolet dan tur an sawi dun bawk. Ram pahnih hruaitute hian Afghanistan-ah venhimna ṭha zawk kalpui a nih theihna tur leh ralmuanna a awm theihna tura hmalak dan tur an sawi a, thawhdun an remti bawk.

Ghani hi External Affairs Minister Sushma Swarah nen pawh Delhi-ah an inkawm a, ram pahnih inkara inkungkaihna ṭha chungchang an ngaihtuah mai bakah, New Development Partnership chungchang pawh an ngaihtuah thu, External Affairs Ministry lam chuan an tarlang a ni. Ghani hi India President Ram Nath Kovind nen pawh inkawmna hun an lo nei tawh bawk.

Ghani hian India-a a cham chhung hian Afghanistan-ah bo­ruak ralmuang a awm theih nan te, terrorist-te beihlet dan tur chung­changah sorkar mi pawimawh eng emaw zat a kawm a ni.

Ashraf Ghani hian Thawhlehni khan India a lo thleng a, tun hnaia ramdang official pathum India-in a mikhualna a ni a ni.