Taj Mahal hi India mite sak a ni :Shahnawaz

Uttar Pradesh-a BJP MLA Sangeet Som-a'n Taj Mahal chungchanga a ngaihdan a sawi, sawizui hlawh tak chungchang an zawh naah BJP hruaitu Shahnawaz Hussain chuan, "Taj Mahal hi India mi te sak a ni a, Mughal lal-te'n an ipte-ah akin an rawn keng lut lo a ni'" a ti.

Thawhlehni khan Gorakhpur-ah he thu hi sawiin, Hussain chuan Hindustani artist-te kutchhuak ropui tak, a satute kut an tansak hialna a ni. Taj Mahal mawina hi Yogi Adityanath hian a la chawisang ngei ang, a ti.

Hussain hian UP-in BJP sorkar hnuaiah hmasawnna tamtak a neih thu sawiin, dan leh hrai lamah pawh hmsawnna nasa zawk a nei tih a sawi bawk. BJP-in thla ruk leh sorkarna ala chang chungin state chhungah hmasawnna hmuhtheiha a awm thu sawiin, Yogi sorkar chuan malsawmna a thlen niin a sawi bawk.