Hmasawnna atan sum tam tak ruahman a ni : Arun Jaitley

Union Finance Minister Arun Jaitley chuan Thawhlehni khan thuchhuah siamin, infrastructure development atan cheng vaibelchhe nuai 6.92 leh, bank kalphung ṭha zawka sawi danglam a nih theih nan vaibelchhe nuai 2.11 ruahman a nih thu a tarlang.

Arun Jaitley chuan hmasawnna tur kawng hrang hrang atan sum ṭhahnem tak sorkarin a ruahman hi ṭangkai taka hman a nih chuan ram hmasawnna tur a ni, a ti. BJP National President Amit Shah chuan hmasawnna atana sum ṭha­­-

hnem tak ruahman a nih avang hian Prime Minister Narendra Modi leh Finance Minister Arun Jaitley-te chu fakin, thil ropui tak hriatreng tur an ti a ni, a ti. Amit Shah chuan sorkar hmalakna hian sum dawnna lama hmasawnna mai bakah, thalaite tan hna tamtak a siambelh dawn tih a sawi bawk.

Amit Shah chuan bank-in hma a sawnna tura cheng vaibelchhe nuai 2.11 sum pek a ni tur chu ropui a tih thu leh, infrastructure atana cheng vaibelchhe nuai 6.92 sum ruahman a ni chu thil la thleng ngai lo a nih thu sawiin, sorkar hmalakna chu huaisen thlak a tih thu twitter-ah a ziak nghe nghe. Hei hian India ram economic dinhmun a chawikang ngei dawn a ni, a tibawk.

Jaitley pawn sorkar bank-te chuan an hmalakna turah hian chanvo pawimawh tak an nei dawn tih sawiin, hna siam belh tura hma nasa taka lak a nih tur thu a sawi bawk.