Swiss mi sawisak chungchang report ngiat

External Affairs Minister Sushma Swaraj chuan ningani khan thuchhuah siamin, Swiss mi pahnih Fatehpur Sikri-a sawisak an ni chu pawi a tih thu a sawi a, Uttar Pradesh sorkar hnen aṭangin report a ngiat thu a sawi bawk.

Sushma Swaraj-i chuan Swiss mi sawisakte hi official-te'n damdawi-inah an tlawh vat tur thu sawiin, a theih ang anga a ṭanpui tur thu a sawi bawk a ni. Kum 24-a upa Swiss mi Quentin Jeremy Clerc leh a bialnu Marie Dro-te chu Pathian­ni khan sawisak an ni a, Delhi damdawiinah enkawl mek an ni. Sawisak an tawhnaah hian Clerc luruh hi a khi hial a, a ri hriatna a nghawng deuh bawk. Droz pawh hian a taksa hmun hrang hrangah hliam tuarin a ban ruh a tliak bawk a ni.