'New India' siam turin consumer-te himna a pawimawh : PM Modi

International Conference on Consumer Protection for East, South & South - East Countries, New Delhi a neihah Prime Minister Narendra Modi chuan Ningani khan thu a sawi, 'consumer himna' chu sorakrin a ngaihpawimawh ber zinga mi a nih thu a sawi.

Narendra Modi chuan 'New India' siam tur chuan consumer-te himna hi a pawimawh hle a, consumer-te himna mai ni loin consumer-te hausakna kan la siam dawn a ni, a ti. PM chuan sorkarin consumer-te venhim nan advertisment siam chungchangah inkaihhruaina dan siam vat a nih tur thu leh mipuite buma an awm na laka venna tur a nih thu a sawi a ni.

Modi chuan consumer-te venhimna dan ennawn a nih tur thu leh, hei hian Consumer Protection Act, 1985 a thlak tur thu a tarlang a, revised 2015 UN guidelines on consumer protection zul zuia he dan thar hi siam a nih tur thu a sawi bawk.

Narendra Modi chuan Goods and Services Tax (GST) siam a nih hnuah, mipuiten sorkar laipuiin chhiah a bituk zat an hriat tawh avangin an thil lei tur man chungchangah bumin an awm thei tawh lo tih a sawi.

Modi chuan GST-in company-te inkarah inelna a siam a, chu chuan thil man a ti hniamin mi rethei leh harsa zawkte tan hlawkna a thlen mek a ni, a ti bawk.