UP Chief Minister-in Taj Mahal a tlawh

Uttar Pradesh Chief Minister Yogi Adityanath chuan Ningani khan Agra-a kum zabi 17 hunlaia Mughal lal-in a sak Taj Mahal chu a tlawh. Shah Jahan leh Mumtaz Mahal-te thlanah hian darkar chanve vel hun a hmang a, Taj Mahal bula Shah Jahan Park pawh a tlawh bawk a ni.

Yogi Adityanath hian he thlan ropui tak leh a chhehvel tih changtlunna turin cheng vaibelchhe 370 ruahman a nih thu a lo sawi tawh a, hei hi kualzinte hip lehzual nan a pawimawh hle dawn a ni. Yogi hian faina chung­changah campaign lian tham tak a kalpui dawn bawk a, Taj Mahal leh a chhehvela faina beihpui thlak turah hian BJP member 500 vel leh social activist ṭhahnem tak an tel rin a ni.