Swis mi pahnih sawisak vangin mi 5 man, kum tling lo 3 tel

Pathianni kaltaa Swiss mi Quentin jeremy Clerc leh a bianu Marie Droz Fatehpur Siki a sawisak an nih chungchang chhui­na kal zelah mi panga man an ni tawh. Heng an mi man zinga pathum hi kum tlinglo an ni.

Swiss mi pahnih-te hi Fatehpur Sikri-ah rel kawnga an kal lai chu rawlthar rualin thla lakpui tumin an umzui a, a hnuah kut an thlak tak chiam thu report chuan a tarlang. An pahnih hian lung leh tiang hmanga beih an ni a, Clerc hi a luruh a khi a, a hriatna lamah harsatna a tawh phah bawk a ni. A bialnu Droz pawh hi a banruh a tliak a, a taksa hmun hrang hrangah hliam a tuar bawk.

He thil thleng hi sorkar laipui chuan a la thutak hle a, khuazin mite himna chungchang a nih vang hian a ngai thutak leh zual a ni. Sushma Swaraj pawhin he thil thleng chungchang report tur hian Uttar Pradesh sorkar a hriattir nghal a ni.

Swiss mite hi Delhi damdawiinah enkawl nghal an ni a, Droz hi damdawiin aṭang hian chhuah a ni tawh a, CLerc pawh a ṭha chho ve zel nia tarlan a ni.

Switzerland embassy chuan an website-ah India ramah sualna a nasat avangin an mi leh sate chu fimkhur turin a chah a ni.