Gujarat police kutah mi 2 thi

Gujarat-a Chilakota khuaah, police-te'n thu an zawhfiah naah tual chhung mi pakhat chu kut an thlak nasat avangin a thih phah.

He thilthleng avang hian an khaw mipui thinrim chuan police station an bei a, motor-te an hal a ni. Police-te hian mipui pungkhawm hi hnawhdarh tumin silai an hmetpuak a, lo neia eizawng mi pakhat luah tak kap fuhin a thihphah leh bawk a ni. Gujarat inthlan hun tur puan a nih hnu lawka he thil thleng hian Gujarat mipuite a nghawng nasa hle.

Police-te hian Kanesh Gamara (31) chu a unaupa chungchangah Ningani tuk dar 1.30 vel khan thu zawhfiah turin an ko a, kut nasa taka thlakin dar 3 velah an inah an dah let a, a hliam tuar lo hian a thi zui ta a ni. He thil thleng avang hian an khaw mipui lungawi lo chuan police station hi an bei ta a ni. Police-te hian tear gas hmangin mipui pungkhawm hi hnawhdarh an tum a, chumi hnuah silai an hmetpuak leh a, mi pathum-in hliam an tuar a ni.

Silai hmehpuah avanga nunna chan Ramsu Mohaniya (45) hian a nupui leh a fate 6 a kalsan a ni.