Chhattisgarh police-te'n Journalist Vinod Verma man

Journalist Vinod Verma chu Zirtawni zing dar 3 vel khan Chhattisgarh police-te'n an man a, darkar khat dawn thu an zawtfiah. Vinod Verma man a nih chhan hi Chhattisgarh Minister sex-tape a kawl ni a report an dawn vang a ni.

Freelance Journalist Vinod Verma hi Editors' guild of India member niin, BBC leh Amar Ujala tan pawh a lo thawk tawh a ni. Tunah hian Chhattisgarh Congress President Bhupesh Baghel thurawn petu niin, Raipur leh New Delhi a kartawn reng thu report chuan a tarlang. Baghel chuan Verma man a ni hi a dem hle a, a rang thei ang bera chhuah turin a ti.

Chhattisgarh police-te hian Pandri police station (Raipur)-ah case an ziahluh vangin Verma hi an man a, Raipur police-te chuan complain hi Chhattisgarh BJP leader Prakash Bajaj-a thehluh a nih thu an tarlang. Chhattisgarh sorkar chuan police te hian a video kawl vanga man an nih thu an sawi.

Case hi Crime Branch-ah pek a ni a, an chhuichian laiin New Delhi-a video operator pakhat chuan Verma hming hi sawi langin police sawi dan chuan video operator hnenah hian video chu copy 1,000 siam turin a ti a ni.