Ghaziabad leh Noida-ah Delhi doctor leh nurse-te luh phal lo
Delhi-a doctor leh nurse hna thawka awm ṭhenkhat, Uttar Pradesh-a Ghaziabad leh Noida-a hawte chu ina an haw phal loin dan an ni.
Haw phallo tute hi society leh apartment-a thuneitute an ni a, an khuaa haw tum doctor leh nurse-te hi Covid-19 vanga damdawi-ina rim taka hnathawkte an ni. Ghaziabad-a Neelpadam Kunj society chuan Covid-19 hri leng chhung chuan Delhi-a hnathawk, healthcare worker-te hi Ghaziabad-ah kir rih lo turin an duh a ni. Ghaziabad chief medical officer pawhin Delhi-a hna thawka awm doctor leh nurse-te chu hri len chhungin an khuaa kir rih lo turin a hriattir tawh a ni.
Society ten an lo dan avang hian healthcare worker-te hi an lung-awi lo hle a, AIIMS Resident Doctors Association chuan union home minister Amit Shah hnenah lehkha an thawn hial.