Ukraine-a India mi awmte Ukraine chhuahsan turin hriattir

Ukraine-a Indian embassy chuan indona thlen mekna, Ukraine ram chhung boruak chhe zel avangin India mi awmte chu a rang thei anga he ram hi chhuahsan turin a hriattir.

Kyiv-a Indian embassy chuan thuchhuah siamin, " Ukraine security dinhmun chhe zel avang leh, tun hnaia ram chhung hmun hrang hranga inbeihna nasa chho leh mek avangin India mite chu Ukraine-a zin lo tura ngen an ni. Ukraine-a India mi awmte pawh a rang thei anga chhuahsan turin ngen an ni bawk," a ti.

October 11-a Russia-in missile eng emaw zat hmanga Ukraine khawpui, Kyiv a beih thar leh hnuah Indian embassy-in thuchhuah a siam vawi hnihna a ni.

Kumin February thlaa Russia-in Ukraine a run hnu khan, sorkar laipui chuan Ukraine rama India mi awmte thiarchhuah hna, 'Operation Ganga' kalpuiin, mi 20,000 dawn chu thiarchhuah an ni tawh. Hetih lai hian hna leh chhungkaw thil avangin India mi 500 vel chu Ukraine-ah hian an la awm chhunzawm mek a ni.