Rel-in kut hnathawktu mi 15 chil hlum

Maharashtra-a Aurangabad khuaa rel station-a rel kawnga muhil kut hna thawktu mi 15-te chu nimin zing khan  bungraw phur relin a chil hlum.

Kut hnathawk thite hi Maharashtra-a Jalna khuaa hna thawka awm an ni a, mahni khuaa hawn tuma intel khawm pawl 20 zinga mi an ni. Km 157-a hla, Madhya Pradesh-a Bhusaval khua haw tum an ni. Lockdown lai a nih avangin khualzin phur rel a tlan lo a, hei vang hian kein an kal a ngaih phah a ni. Thui tak kea an kal hnuah an chau chu rel kawngah hian chawlin an mu a, an muthilh laiin bungraw phur rel hian a chil ta a ni.

He thil thleng hi prime minister Narendra Modi chuan pawi a tih thu leh thi chhungte a tawrhpui thu a sawi a, railway minister Shri Piyush Goyal pawh be nghalin, harsatna tawkte hi a theih ang anga pui turin a chah.